வெஜ் குருமா- ஹோட்டல் ஸ்டைல் செய்முறை

 ஹோட்டல் ஸ்டைல் வெஜ் குருமா செய்முறை

வெஜ் குருமான்னா சாப்டா, நறுமணமா இருக்குற ஒரு சூப்பர் சைட் டிஷ்.

சப்பாத்தி, பரோட்டா, பூரி, இடியாப்பம் எல்லாத்துக்குமே இது perfect match.

தேவையான பொருட்கள்

காய்கறிகள்:

• கேரட் – 1 (சிறு துண்டுகளாக நறுக்கியது)
• பீன்ஸ் – 6 முதல் 8
• உருளைக்கிழங்கு – 1
• பச்சை பட்டாணி – ¼ கப்

அரைக்க:

• தேங்காய் – ½ கப்
• முந்திரி – 6
• சோம்பு – 1 டீஸ்பூன்
• பச்சை மிளகாய் – 2
• இஞ்சி – சிறிய துண்டு
• குருமா செய்ய:
• வெங்காயம் – 1 (நீளமாக நறுக்கியது)
• தக்காளி – 1 (நறுக்கியது)
• பட்டை – 1 சிறிய துண்டு
• கிராம்பு – 2
• பிரியாணி இலை – 1
• எண்ணெய் – 2 மேசைக்கரண்டி
• மஞ்சள் தூள் – ¼ டீஸ்பூன்
• உப்பு – தேவைக்கேற்ப
• தண்ணீர் – தேவைக்கேற்ப
• கொத்தமல்லி – சிறிதளவு

செய்முறை

1.மிக்ஸியில் தேங்காய், முந்திரி, சோம்பு, பச்சை மிளகாய், இஞ்சி சேர்த்து மிருதுவாக அரைத்துக் கொள்ளவும்.

2.குக்கர் அல்லது கடாயில் எண்ணெய் சூடானதும் பட்டை, கிராம்பு, பிரியாணி இலை சேர்க்கவும்.

3.வெங்காயத்தை சேர்த்து பொன்னிறமாக வதக்கவும்.

4.தக்காளியை சேர்த்து நன்றாக மசியும் வரை வதக்கவும்

5.இப்போது நறுக்கிய காய்கறிகள், மஞ்சள் தூள், உப்பு சேர்த்து கலக்கவும்.

6.அரைத்த மசாலாவை சேர்த்து 2 நிமிடம் நன்றாக கிளறவும்.

7 தேவையான அளவு தண்ணீர் சேர்த்து:

• குக்கரில் – 2 விசில்
• கடாயில் – காய்கறிகள் வெந்து குருமா கெட்டியாகும் வரை
• அடுப்பை அணைத்து கொத்தமல்லி இலை தூவி பரிமாறவும்.

பரிமாறும் முறை

சூடாக இருக்கும் ஹோட்டல் ஸ்டைல் வெஜ் குருமா-வை

சப்பாத்தி, பரோட்டா, பூரி, இடியாப்பம் உடன் பரிமாறலாம்